هجوم كبير كانت شنته ريما الرحباني على إليسا والسبب والدتها السيدة فيروز
انتقاد لاذع كانت وجهته المخرجة اللبنانية ريما الرحباني لحفل “ليلة أمل” الذي أحياه كل من الموسيقي اللبناني أسامة الرحباني بمشاركة الفنانة اللبنانية هبة طوجي وزوجها الموسيقي اللبناني إبراهيم معلوف، وبإطلالة خاصة للفنانة اللبنانية إليسا.
تفاصيل ما حصل
هاجمت ريما ابن عمها أسامة الرحباني، مشيرة الى أنه يعمد الى تشويه إرث والدتها السيدة فيروز، خصوصاً بعد تقديم كل من اليسا وهبة أغنية لها في الحفل.
ومما كتبته ريما عبر صفحتها الخاصة على فيسبوك:” الحق مش ع إليسا! واليسا باللي صار ضحيّة مش مجرمة ،المجرم الأوّل والأخير هوّي الطبل اللي داير إليسا والتوابع ومعتقد حالو بيحقلّو يتصرّف ويأذن للفنانين يغنوا أغاني فيروز ومعتقد بيحقلّو يشوّه ويبهدل هالإرث براحتو بيدون حسيب ولا رقيب! وهالشي كلو فقط لأن عبقري متل زياد أعاد بعض الأغاني”.
واضافت:” فإعتقد الطبل إنو هو كمان عبقري ووريث وو بدّو يعيد نفس الأغاني! كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين”.
وتابعت:” بس معليش.. إلا ما يصير في دولة وحبوسة فهيدا الموضوع ما رح فوت فيه هلق! المهم بالموضوع إنّو شغلة اللي بدّو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، شغلتو مينيموم يعلّم الفنان أصول اللفظ واللحن والأداء والكلاااااااااااام والكلام!
واكملت:” مش شغلة المغنّي يغنّي ع ليلاه! وينبش كلام من ذاكرتو وقت كان عمرو عشر سنين! واللي بدّو يعمل تحيّة ولو كذّابيّة لعمّو أقلّه يحترملو ألحانو ويحترم ورثتو خاصة اذا كان عارف ومأكّد إنّو الورثة ما بيريدوا هالأغاني بالذات تنعاد (ورثة الياس) واذا بتمرق ع بعض الناس إنّو هاي فعلا تحيّة ما بتمرق ع كل الناس إنّها كذّابيّة”.
وبعد الضجة التي اثارها تعليق ريما هذا على الحفل، وذكرها اسم اليسا، كان لافتا لكثير من المتابعين تغريدة كتبتها الاخيرة على صفحتها الخاصة على تويتر جاء فيها:” موتوا بغيظكم!! والشاطر يفهم”، إذ اكد الكثير منهم انها ترد بطريقة غير مباشرة على ريما وكل من انتقد غنائها للسيدة فيروز في الحفل.
Copy Rights 2023 – TrendArabia.com
All rights reserved, No part of this content may be reproduced or used in any manner without written permission of the copyright owner.
مشاهير/مشاهير العالم العربي/عالم الغناء
